ຂ່າວ: ສີສຸວັນ
5:00 ໂມງເຊົ້າຂອງມື້ວານນີ້ ຈຸດເຂດນ້ຳມິງຕໍ່ໃສ່ກິວຫມາກນາວ 2 ຂອງເມືອງຊຽງເງິນ ແຂວງຫລວງພະບາງ ໄດ້ເກີດອຸບັດເຫດລົດເມສາຍນະຄອນຫລວງວຽງຈັນ-ຫລວງພະບາງຕົກເຫວເລິກ ເປັນເຫດເຮັດໃຫ້ຜູ້ໂດຍສານໃນລົດເສຍຊີວິດຄາທີ່ 5ຄົນ ແລະ ອີກ 2ຄົນເສຍຊີວິດຢູ່ໂຮງຫມໍ ເຊິ່ງປະຈຸບັນ ເຈົ້າຫນ້າທີ່ກ່ຽວຂ້ອງກຳລັງລວບລວມຂໍ້ມູນຫລັກຖານຊອກຫາສາເຫດ ຂອງການເກີດອຸບັດເຫດໃນຄັ້ງນີ້ຢູ່.
ຈາກການເລົ່າຕໍ່ທີມຂ່າວສັງຄົມຂອງ ທ່ານ ມີສອນ ທະຫານ ກອງພັນ 279 ນວ ຜູ້ຮັກສາຄວາມປອດໄພມານຳລົດຄັນດັ່ງກ່າວຮູ້ວ່າ: ລົດຄັນດັ່ງກ່າວແມ່ນລົດ VIP ຂອງບໍລິສັດສຸດໃຈຍອດຈະເລີນຊັບທີ່ເດີນທາງຈາກ ນະຄອນຫລວງວຽງຈັນມຸ່ງຫນ້າສູ່ຫລວງພະບາງຮອດເວລາປະມານ 5:00 ໂມງຈຸດເຂດນ້ຳມິງຕໍ່ໃສ່ກິວຫມາກນາວ 2 ຂອງເມືອງຊຽງເງິນແຂວງຫລວງພະບາງ ລົດເກີດເສຍຫລັກຕົກຈາກຫນ້າທາງລົງສູ່ເຫວຊັນທີ່ມີຄວາມເລິກ ປະມານ 40-50 ແມັດ ໂດຍໃນລົດມີຜູ້ໂດຍສານ ມາແຕ່ຕົ້ນທາງຈາກນະຄອນຫລວງວຽງຈັນ 20 ຄົນ.
ຫລັງຈາກລົດເສຍຫລັກກໍ່ປີ້ນລົງເຫວປະມານສອງຮອບກ່ອນຕົນຈະຕົກອອກ ຈາກລົດ ແລະ ແນມເຫັນລົດປີ້ນລົງໄປເຫວຊັນຈົນບໍ່ສາມາດນັບຮອບໄດ້ ເມື່ອລົດຢຸດຕົນກໍ່ຮີບລົງໄປຊ່ວຍຜູ້ຄົນທີ່ຕິດຢູ່ໃນລົດອອກຢ່າງ ທັນທີ ໃນນັ້ນ ພົບຜູ້ເສຍຊີວິດ 5 ຄົນ ເປັນຍິງຕ່າງປະເທດ 1 ຄົນ ແລະ ບາດເຈັບສາຫັດ 2 ຄົນ ຂະນະທີ່ລົດຄັນດັ່ງກ່າວບໍ່ລະເບີດ.
ຢ່າງໃດກໍ່ຕາມ ດ້ານທ່ານ ດຣ. ທອງພຸດ ສຸກຂະເສີມ ຫົວຫນ້າຂະແຫນງພາຍໃນ, ຫົວໃຈ, ເສັ້ນເລືອດໂຮງຫມໍແຂວງຫລວງພະບາງແຈ້ງໃຫ້ຮູ້ວ່າ: ຜູ້ໂດຍສານທີ່ໄດ້ຮັບບາດເຈັບ ສາຫັດແພດຫມໍໄດ້ສຸມຄວາມສາມາດຢ່າງເຕັມທີ່ແຕ່ບໍ່ສາມາດກູ້ຊີວິດ ໄວ້ໄດ້ ຈິ່ງເຮັດໃຫ້ຜູ້ໄດ້ຮັບບາດເຈັບດັ່ງກ່າວເສຍຊີວິດໃນວັນດຽວກັນ ເວລາຕໍ່ມາ.
ໂດຍຫລ້າສຸດເຈົ້າຫນ້າທີ່ໄດ້ສືບຕໍ່ຊອກຫາຄົນຈຳນວນຫນຶ່ງທີ່ຍັງ ບໍ່ທັນພົບເຫັນທີ່ຄ້າງຢູ່ບ່ອນເກີດເຫດ ສ່ວນສາເຫດການເກີດອຸບັດເຫດໃນຄັ້ງນີ້ແມ່ນຍັງຢູ່ໃນຂັ້ນຕອນການ ສືບສວນຂອງເຈົ້າຫນ້າທີ່.
5:00 ໂມງເຊົ້າຂອງມື້ວານນີ້ ຈຸດເຂດນ້ຳມິງຕໍ່ໃສ່ກິວຫມາກນາວ 2 ຂອງເມືອງຊຽງເງິນ ແຂວງຫລວງພະບາງ ໄດ້ເກີດອຸບັດເຫດລົດເມສາຍນະຄອນຫລວງວຽງຈັນ-ຫລວງພະບາງຕົກເຫວເລິກ ເປັນເຫດເຮັດໃຫ້ຜູ້ໂດຍສານໃນລົດເສຍຊີວິດຄາທີ່ 5ຄົນ ແລະ ອີກ 2ຄົນເສຍຊີວິດຢູ່ໂຮງຫມໍ ເຊິ່ງປະຈຸບັນ ເຈົ້າຫນ້າທີ່ກ່ຽວຂ້ອງກຳລັງລວບລວມຂໍ້ມູນຫລັກຖານຊອກຫາສາເຫດ ຂອງການເກີດອຸບັດເຫດໃນຄັ້ງນີ້ຢູ່.
ຈາກການເລົ່າຕໍ່ທີມຂ່າວສັງຄົມຂອງ ທ່ານ ມີສອນ ທະຫານ ກອງພັນ 279 ນວ ຜູ້ຮັກສາຄວາມປອດໄພມານຳລົດຄັນດັ່ງກ່າວຮູ້ວ່າ: ລົດຄັນດັ່ງກ່າວແມ່ນລົດ VIP ຂອງບໍລິສັດສຸດໃຈຍອດຈະເລີນຊັບທີ່ເດີນທາງຈາກ ນະຄອນຫລວງວຽງຈັນມຸ່ງຫນ້າສູ່ຫລວງພະບາງຮອດເວລາປະມານ 5:00 ໂມງຈຸດເຂດນ້ຳມິງຕໍ່ໃສ່ກິວຫມາກນາວ 2 ຂອງເມືອງຊຽງເງິນແຂວງຫລວງພະບາງ ລົດເກີດເສຍຫລັກຕົກຈາກຫນ້າທາງລົງສູ່ເຫວຊັນທີ່ມີຄວາມເລິກ ປະມານ 40-50 ແມັດ ໂດຍໃນລົດມີຜູ້ໂດຍສານ ມາແຕ່ຕົ້ນທາງຈາກນະຄອນຫລວງວຽງຈັນ 20 ຄົນ.
ຫລັງຈາກລົດເສຍຫລັກກໍ່ປີ້ນລົງເຫວປະມານສອງຮອບກ່ອນຕົນຈະຕົກອອກ ຈາກລົດ ແລະ ແນມເຫັນລົດປີ້ນລົງໄປເຫວຊັນຈົນບໍ່ສາມາດນັບຮອບໄດ້ ເມື່ອລົດຢຸດຕົນກໍ່ຮີບລົງໄປຊ່ວຍຜູ້ຄົນທີ່ຕິດຢູ່ໃນລົດອອກຢ່າງ ທັນທີ ໃນນັ້ນ ພົບຜູ້ເສຍຊີວິດ 5 ຄົນ ເປັນຍິງຕ່າງປະເທດ 1 ຄົນ ແລະ ບາດເຈັບສາຫັດ 2 ຄົນ ຂະນະທີ່ລົດຄັນດັ່ງກ່າວບໍ່ລະເບີດ.
ຢ່າງໃດກໍ່ຕາມ ດ້ານທ່ານ ດຣ. ທອງພຸດ ສຸກຂະເສີມ ຫົວຫນ້າຂະແຫນງພາຍໃນ, ຫົວໃຈ, ເສັ້ນເລືອດໂຮງຫມໍແຂວງຫລວງພະບາງແຈ້ງໃຫ້ຮູ້ວ່າ: ຜູ້ໂດຍສານທີ່ໄດ້ຮັບບາດເຈັບ ສາຫັດແພດຫມໍໄດ້ສຸມຄວາມສາມາດຢ່າງເຕັມທີ່ແຕ່ບໍ່ສາມາດກູ້ຊີວິດ ໄວ້ໄດ້ ຈິ່ງເຮັດໃຫ້ຜູ້ໄດ້ຮັບບາດເຈັບດັ່ງກ່າວເສຍຊີວິດໃນວັນດຽວກັນ ເວລາຕໍ່ມາ.
ໂດຍຫລ້າສຸດເຈົ້າຫນ້າທີ່ໄດ້ສືບຕໍ່ຊອກຫາຄົນຈຳນວນຫນຶ່ງທີ່ຍັງ ບໍ່ທັນພົບເຫັນທີ່ຄ້າງຢູ່ບ່ອນເກີດເຫດ ສ່ວນສາເຫດການເກີດອຸບັດເຫດໃນຄັ້ງນີ້ແມ່ນຍັງຢູ່ໃນຂັ້ນຕອນການ ສືບສວນຂອງເຈົ້າຫນ້າທີ່.
Sabaidee, ຂ້ອຍເປັນແອດມິນສຳລັບເວັບໄຊທ໌ນີ້,ຫວັງວ່າພວກເຈົ້າມັກເນື້ອຫາບົນເວັບນີ້. ໂຊກດີ
No comments:
Post a Comment