ບໍລິສັດPanAust ຈຳກັດຂອງອອສຕຣາລີໄດ້ຕັດແຮງງານອອກເຖິງ 5% ເຫດຜົນກໍ່ຍອ້ນ ລາຄາຂອງທອງແດງຕົກລາຄາ

SYDNEY: ບໍລິສັດPanAust ຈຳກັດຂອງອອສຕຣາລີໄດ້ຕັດແຮງງານອອກເຖິງ 5%  ໂດຍສະເພາະແມ່ນແຮງງານໃນຂະແໜງການຜະລິດແຮ່ທອງແດງໃນປະເທດລາວ ເຫດຜົນກໍ່ຍອ້ນ ລາຄາຂອງທອງແດງຕົກລາຄາເຖິງຈຸດຕ່ຳສຸດໃນເຄິ່ງທົດສະວັດທີ່ຜ່ານມາ.

PanAust ແມ່ນໜຶ່ງໃນສອງບໍລິສັດຕ່າງປະເທດທີ່ດຳເນີນການຂຸດຄົ້ນບໍ່ແຮ່ໃນລາວ

ບໍລິສັດໄດ້ມີເປົ້າໝາຍໃນສອງສາມປີຕໍ່ໜ້າຄືການຜະລິດທອງແດງໃນບໍ່ພູຄຳໃຫ້ຂະຫຍາຍຕົວເຖິງ 30%ແລະກຳລັງພັດທະນາໂຄງງການຂຸດຄົ້ນທອງແດງແຫ່ງທີ່ສອງໃນເຂດແມ່ນ້ຳຟຣີອີດາ ປະເທດ ປາກົວ ນີວ ກີເນຍ

ທອງແດງເບັນຊ໌ມາຣຄ໌ ສາມເດຶອນໃນຕະຫລາດໂລຫະລອນດອນແມ່ນຢູ່ໃນລາຄາຕ່ຳກວ່າ$5,600 ຕໍ່ໂຕນ,ແມ່ນເປັນລາຄາທີ່ອອ່ນແອທີ່ສຸດນັບແຕ່ເດືອນມິຖຸນາ ປີ 2009..

ລາຄາໄດ້ຫລຸດຫລາຍກວ່າ 11% ໃນເດືອນມັງກອນ ເຊິ່ງເຮັດໃຫ້ເປັນຊ່ວງເດືອນທີ່ຂີ້ຮ້າຍສຸດນັບແຕ່ເດືອນພຶດສະພາ ປີ 2012.

ຝ່າຍບໍລິສັດ PanAust ເວົ້າໃນວັນພຸດທີ່ຜ່ານມາວ່າ:”ການປຽ່ນແປງບັນດາການຈັດຕັ້ງແມ່ນມີຄວາມຈຳເປັນເພື່ອຮັບ

ປະກັນການປະຕິບັດວຽກງານຂອງພວກເຮົາໃຫ້ດຳເນີນຕໍ່ເນື່ອງແລະຍັງຄົງມີການແຂ່ງຂັນ

ແລະສະທອ້ນວຽກງານສຳຄັນລຳດັບທຳອິດຂອງບໍລິສັດໃນປີ 2015ກໍ່ຄືປະສິທິພາບການທຳງານໃຫ້ດີທີ່ສຸດໃນບັນດາການປະຕິບັດງານທີ່ມີຢູ່ແລະນຳເອົາໂຄງການແມ່ນ້ຳ ຟຣີອີດາກ້າວເດີນໄປທາງໜ້າສູ່ການຕັດສິນພັດທະນາ”

ລາຄາຫຸ້ນຂອງ PanAust ຕົກຫລາຍກວ່າ 6% ຄືຕົກຮອດ A$1.35 ໃນວັນພຸດທີ່ຜ່ານມາ,ໃນຂະນະທີ່ຕະຫລາດທີ່ກວ້າງກວ່າໄດ້ຕົກພຽງ0.3% . ຫຸ້ນໄດ້ຕົກ 27 % ໃນໄລ່ຍະປີທີ່ຜ່ານມາ.

ຕາມຂໍ້ມູນໃນວັນທີ 29 ເດືອນມັງກອນ ໃນໄຕມາດທີ 4 ຂອງການຜະລິດໄດ້ເປີດເຜີຍວ່າ:PanAust ຄາດຫວັງທີ່ຈະລາຍງານວ່າ ບໍລິສັດໄດ້ບັນລຸເຖິງຈຸດສູງສຸດ ຂອງການຜະລິດທອງແດງໃນທ້າຍປີ 2014 ຕາມ ແຜນການຜະລິດ 65-70,000  ໂຕນ.

ສ່ວນ ບໍລິສັດຈີນ MMG ຈຳກັດ,ເຈົ້າຂອງບໍ່ແຮ່ໃນເຊໂປນຂອງລາວເວົ້າວ່າ:ບໍລິສັດຈະລາຍງານຕົວເລກການຜະລິດໃນວັນພະຫັດນີ້.

PanAust ເວົ້າວ່າ: ໄດ້ຕັດ182 ແຮງງານໃນບໍ່ທອງແດງທີ່ພູຄຳ,ຫລຸດຜອ່ນການໃຊ້ຈ່າຍໃນການປະຕິບັດງານໃນແຕ່ລະປີເຖິງ $15.5 ລ້ານ.

PanAust ຍັງເວົ້າຕື່ມອີກວ່າ:ການຫລຸດແຮງງານແລະການໝົດສັນຍາແຮງງານຈະສາມາດຫລຸດຈຳນວນ

ຕົວເລກຂອງແຮງງານໄດ້ໃນປີນີ້.

ແປຈາກ:

http://articles.economictimes.indiatimes.com/2015-01-14/news/58066245_1_copper-mine-frieda-river-laos