ຈີນຈະສ້າງທາງລົດໄຟໃນໄທເຊື່ອມຕໍ່ລາວ

HONG KONG —

ຈີນໄດ້ເຊັນບົດບັນທຶກຄວາມເຂົ້າໃຈກັບລັດຖະບານໄທເພື່ອສ້າງທາງລົດໄຟລາງຄູ່ທີ່ມີໄລ່ຍະທາງ 542 ໄມລສ໌ຈາກໜອງຄາຍທີ່ຕິດກັບຊາຍແດນລາວເຖິງເຂດອຸດສາຫະກຳພາກຕາເວັນອອກທີ່ຕິດກັບທະເລ.

ຕາມການລາຍງານຂອງສຳນັກງານຂ່າວຣອຍເຕີຣ.

ບົດບັນທຶກຄວາມເຂົ້າໃຈໄດ້ຖືກເຊັນໃນນອກກອງປະຊຸມພາກພື້ນທີ່ດຳເນີນເປັນເວລາສອງມື້ທີ່ບາງກອກ, ເຫັນໄດ້ວ່າຈີນໄດ້ມີອິດທິພົນແຂງແຮງຂື້ນກັບປະເທດໄທປະເທດທີ່ເຄີຍມີຄວາມສຳພັນອັນແໜ້ນແພ້ນກັບສະຫະລັດ, ແຕ່ຄວາມສຳພັນນັ້ນໄດ້ເຢັນລົງຫລັງຈາກການລັດຖະປະຫານໃນເດືອນເມສາປີກາຍນີ້

ລັດຖະມົນຕີກະຊວງຄົມມະນາຄົມຂອງໄທ ທ່ານ ປຣາຈິນ ຈັນທອງໃຫ້ສຳພາດກັບສຳນັກຂ່າວວ່າ:

“ຈີນຈະເປັນຝ່າຍຮັບຜິດຊອບໃນວຽກງານການກໍ່ສ້າງແລະພັດທະນາຕານ່າງທາງລົດໄຟແລະຝ່າຍໄທຈະເຂົັ່າຮ່ວມ
ໃນການກະກຽມວຽກງານພື້ນຖານສຳລັບການກໍ່ສ້າງ”.

ທ່ານ ປຣາຈິນເຈົ້າໜ້າລະດັບສູງທະຫານອາກາດ ຍັງເວົ້າວ່າ:

ຝ່າຍຈີນໄດ້ຕົກລົງເຫັນດີໂດຍຊົ່ວຄາວກັບຝ່າຍລາວໃນການສ້າງທາງລົດໄຟຈາກຄຸນມິງຜ່ານລາວ ຊຶ່ງມີຈຸດປະສົງເພື່ອເຊື່ອມຕໍ່ກັບປະເທດໄທ.  ນອກນັ້ນ ຈີນຍັງຈະພັດທະນາເສັ້ນທາງລົດໄຟ ທີ່ມີໄລ່ຍະຄວາມຍາວ 82 ໄມລສ໌ເຊື່ອມກັບໃຈກາງຂອງແຂວງ ສະຣະບູຣີ ເຖິງ ບາງກອກ.

ໄລ່ຍະຜ່ານມາໄກ້ໆນີ້, ໜ່ວຍສະຖາບັນອອກກົດໝາຍລັດຖະບານທະຫານໄທໄດ້ອານຸມັດຂໍ້ຕົກລົງເບື້ອງຕົ້ນກັບຝ່າຍຈີນ, ເຮັດໃຫ້ມີມູນຄ່າ ເຖິງ $10.66 ຕື້.

ທ່ານ ມາຢາຊູ ໂຮຊູມິ ປະທານອົງການການຄ້ານອກປະເທດຢີ່ປຸນ ໃນໄທ(JETRO), ເວົ້າວ່າ:

ຕານ່າງທາງລົດໄຟແມ່ນ “ຈຳເປັນເພື່ອເພີ່ມທະວີຕານ່າງການຜະລິດໃນພາກພື້ນ”

source:

http://www.joc.com/rail-intermodal/china-build-thai-rail-link-laos_20150101.html